PMEG

38.2.6. CHJ

Per CHJ oni faras karesajn nomojn de viroj. Komparu kun NJ kaj ET. Antau CHJ oni uzas mallongigitan formon de la nomo. Kutime oni konservas chirkau 1 ghis 5 literojn:

  • Johano JohanchjoFE.38 au JochjoFE.38

  • Nikolao NikolchjoFE.38 au NikochjoFE.38 au NikchjoFE.38 au NichjoFE.38

  • Ernesto ErnechjoFE.38 au ErchjoFE.38

  • Vilhelmo VilhelchjoFE.38 au VilhechjoFE.38 au VilchjoFE.38 au VichjoFE.38

  • papago PapchjoFA1.138 (karesa nomo de vira papago)

  • patro Pachjo

  • onklo Ochjo

  • frato Frachjo

CHJ, same kiel NJ, estas iom aparta sufikso, char ghi ne komencighas per vokalo, kaj char oni povas mallongigi la radikon antau ghi. Iafoje oni eble povus unue aldoni la sufikson UL, se tio helpus krei pli bonsonan formon: Petro Petrulo Petruchjo k.s. Tio tamen ne estas tradicia, nek eble tute logika, sed kiam temas pri karesnomoj, nek tradicio, nek logiko, nek rigora gramatiko, estas tre gravaj. Karesnomojn oni fakte povas krei tute lauplache (ekz. per pruntado el aliaj lingvoj). Iafoje, se la baza vorto estas tre mallonga, oni povas aldoni CHJ post tiu tuta vorto, ech konservante eventualan O-finajhon antau CHJ: avo avochjo (anstatau la iom malfacile elparoleblaj kaj apenau rekoneblaj formoj avchjo kaj achjo).