PMEG 2024
30.10. Pri-verboj
La rolvorteto pri estas ofte uzata prefiksece. En kelkaj okazoj ghia sola tasko estas shanghi la rolon de objekto:
| prirabi | Che la simpla verbo rabi la objekto estas la valorajho forprenata. Tiu, de kiu oni ghin forprenas, povas aperi kiel komplemento kun al au de: Vi rabas al via homo chion, kion li havas.Rt.57 / Oni rabis de mi mian tutan monon. Che prirabi la objekto anstataue estas tiu, de kiu oni ion forprenas. La valorajho ordinare ne menciighas, sed povas eventuale aperi kiel je-komplemento. Ili nur prirabas la vojaghantojn.Rz.28 / Ili prirabis Petron je lia tuta havajho. |
|---|---|
| prisemi | Che la simpla verbo semi la objekto estas la semoj. La loko, kien la semoj metighas, povas aperi kiel loka au direkta komplemento: La terkultivisto semas tritikon en la kampo. / Kelkaj personoj komencis semi inter la esperantistoj konfuzon kaj timon.L2.88 Che prisemi la objekto anstataue estas la loko, kien la semoj metighas. La semoj povas aperi kiel per-komplemento. La terkultivisto prisemas la kampon per tritiko. / Dum ses jaroj prisemu vian kampon.Lv.25 |
Legu pli pri prefikseca pri.