38.2.22. ING

ING = “tenilo, en kiun oni (parte) metas ion”. Komparu kun UJ. Tio, kio staras antau ING, normale estas tio, kion oni parte enmetas en la ingon:

• glavo → glavingo = tubeca objekto, en kiun oni metas la klingon de glavo

• cigaro → cigaringo = tubeto, en kiu oni tenas cigaron por fumi ghin

• shraubo → shraubingo = ringo, en kiun oni shraubas shraubon

• ovo → ovingo = vazeto, en kiun oni metas ovon por ghin manghi

• piedo → piedingo = ringo, en kiun oni metas piedon por surchevalighi kaj rajdi

• fingro → fingringo = fingropinta protekta chapo uzata dum kudrado

Iafoje la elemento antau ING ne estas tio, kion oni enmetas en la ingon:

• pendi → pendingo = pendumilo, aparato por ekzekuti homon per pendumo. Oni povus diri, ke pendingo estas mallongigo de pendumatingo (pendumato = “homo, kiun oni pendumas”). Normale oni tamen diras pendumilo.