38.2.4. AN

AN = “membro de grupo, loghanto de loko, adepto de doktrino, persono kiu apartenas al loko” k.s. Komparu kun IST. Tio, kio staras antau AN, chiam montras, al kio la ano apartenas:

• klubo → klubano = membro de klubo
• familio → familiano = membro de familio
• Europo → Europano = loghanto de Europo
• Francujo → Francujano = loghanto de Francujo
• vilagho → vilaghano = loghanto de vilagho
• kamparo → kamparano = loghanto de kamparo
• kongreso → kongresano = partoprenanto en kongreso
• Kristo → Kristano = ano de Kristo, de la religio de Kristo.
• Budho → Budhano = ano de Budho, de la ideoj de Budho.
• Islamo → Islamano = kredanto je Islamo
• respubliko → respublikano = subtenanto de la ideo ke shtato estu respubliko, ano de partio kiu nomas sin respublika
• shipo → shipano = homo, kiu servas sur shipo
• civito → civitano = plenrajta membro de shtato
• estraro → estrarano = membro de estraro
• UEA → UEA-ano = membro de UEA (Universala Esperanto-Asocio)
• alia domo → alidomano = loghanto de alia domo
• sama lando → samlandano = loghanto de la sama lando
• sama religio → samreligiano = kredanto de la sama religio