PMEG 2024

38.3.8. MIS

MIS = “erareco, malghusteco, malboneco”. MIS chiam montras manieron au econ de tio, kio staras poste. (La prefikso MIS estis oficialigita en 1929.)

  • kalkuli → miskalkuli = kalkuli erare

  • kompreni → miskompreni = kompreni erare

  • skribi → misskribi = skribi erare

  • direkti → misdirekti = montri au gvidi en malghustan direkton

  • akuzi → misakuzi = akuzi malprave, erare

  • korekti → miskorekti = provi korekti kauzante erarecon

  • pashi → mispashi = fari eraran pashon

  • uzi → misuzi = uzi en malbona au malghusta maniero

  • trakti → mistrakti = trakti malbone

  • faro → misfaro = malbona faro

  • formo → misformo = erara, malbona formo

  • formi → misformi = doni malghustan, malbonan formon al io

Ordinara radiko «

  • misa = erara, malbona, malghusta

  • misi = erari, maltrafi

MIS kaj MAL «

Ne konfuzu MIS kun MAL. MIS ne shanghas la bazan signifon de vorto, sed nur aldonas la ideon de erareco au malboneco. MAL komplete shanghas la signifon en la kontrauon:

  • laudi = diri, kiel bona io estas

  • mislaudi = erare diri, ke io estas bona, dum ghi fakte estas malbona

  • mallaudi = diri, kiel malbona io estas

  • mismallaudi = erare diri, ke io estas malbona, dum ghi fakte estas bona