PMEG 2024

14.3.12. Kvazau

Kvazau = “proksimume, shajne, iamaniere, lauaspekte”. Ghi montras nerealecon, shajnon:

  • Li kvazau volas ion komuniki nur al vi sola.H.29 = Li shajne volas ion komuniki ...

  • “Chu vi ne amas min pli ol chiun?” kvazau paroladis la okuloj de la reghidineto.FA1.99 Ne vere paroladis, nur shajnis tiel.

  • La konscio kvazau lin forlasis.FA1.216 Li havis tian senton, kiu tre similis al tio, ke la konscio lin forlasis.

  • Du skerminstruistoj [...] renkontis sin chi tie kvazau hazarde kaj kun shajna kolero atakis unu la alian.Rn.23 Ne vere estis hazarda renkontigho.

  • Ili vidas en mi personon, kiu kvazau ludas la rolon de ia regho.OV.390

Kvazau povas esti nuancilo de O-vorta frazparto montrante, ke ghi estu komprenata nur kiel shajno. Chi tia kvazau staru ghuste antau tio, al kio ghi rilatas:

  • Ha! mi eksentis kvazau pikon tra la koro!FA2.52 Tio, kion mi eksentis, ne vere estis piko, sed shajnis tiel.

  • En la malaltaj tonoj de lia vocho sonis kvazau malkontenteco, mildigata de sincera kompato!M.135 Eble ne vera malkontenteco.

  • Shi retirighis kvazau antau ia terura fantomo.M.172 Ne vere estis fantomo antau shi, sed shi agis tiel.

  • La sono de la nomo de la homo amita kaj perdita ekpikis la vundon de shia koro kvazau per la pinto de ponardo.M.95 Ponardo ne vere estis uzata.

Preskau kaj kvazau «

Ne konfuzu kvazau kun preskau. Kvazau montras nerealecon, ke io shajnas ia, kvankam ghi vere estas (tute) alia. Preskau montras nesufichecon (malgravan), ke io estas ja tiaspeca, sed ke mankas iomete: Li estis kvazau pikita per ponardo. Shajnis kiel ponardopiko, sed tute ne estis. Li estis preskau pikita per ponardo. La ponardopiko maltrafis lin.

Enkondukilo de subfrazo «

Kvazau ankau estas enkondukilo de subfrazo: En la ventro estas tia krakado, kvazau tuta regimento ekblovus trumpetojn.Rz.21 Ni shajnigu, kvazau ni tute ne scias, kia homo li estas.Rz.32

Komparilo «

Kvazau povas ankau enkonduki komparajn esprimojn simile al kiel: La varmo de la chambro kaj la delikata bonodoro de la floroj ebriigis shin kvazau drinkajho.M.148

Kiel se «

En la plej unua tempo kvazau ankorau ne ekzistis. Tiam oni anstataue uzis kiel se au nur kiel, sed nur por enkonduki subfrazojn.