Vindoza signokodo - windows-1252

La Vindoza signokodo estas vastigo de Latino 1 uzata en Vindozo. Ghi ne estas ISO-normo.

La unua parto de la Vindoza signokodo (la kodpozicioj ghis 127) estas identa al Askio. La kodpozicioj 160 - 255 estas identaj al la respondaj kodpozicioj en Latino 1. Sed iuj el la kodpozicioj 128 - 159, kiuj en Latino 1 estas rezervitaj por stiraj funkcioj (sed kiuj estas en la praktiko simple neuzataj), estas en la Vindoza signokodo uzataj por aldonaj preseblaj signoj.

Tro ofte la Vindoza signokodo estas uzata en la Reto anstatau Latino 1 - ech kun falsa indiko, ke temas pri Latino 1. Chiuj tiuj Vindozaj signoj, kiuj mankas en Latino 1, ekzistas tamen en Unikodo. En HTML oni prefere indiku tiujn signojn per iliaj Unikodaj numeroj au per iliaj simbolaj HTML-nomoj. Tiuj numeroj kaj simbolaj nomoj estas montrataj en la chi-posta tabelo.