16.5. Vortostumpoj

Iafoje, precipe en skriba lingvajho, oni uzas kaj au alian kunligan vorteton por ligi du au pli da partoj de kunmetita vorto por mallongigi frazon:

• Ili en- kaj el-iris tre rapide. = Ili eniris kaj eliris tre rapide.

• Tio estas kombinita manghajh- kaj gazet-vendejo. = ... manghajhvendejo kaj gazetvendejo.

• Li faris multajn erarojn: skrib-, leg- kaj pens-erarojn. = ... skriberarojn, legerarojn kaj penserarojn.

• Tute mankas sub-tasoj kaj -teleroj. = ... subtasoj kaj subteleroj.

• Tio estas manghajh- au gazet-vendejo. = ... manghajhvendejo au gazetvendejo.

• Tio estas manghajh-, sed ankau gazet-vendejo. = ... manghajhvendejo, sed ankau gazetvendejo.

Chi tiaj frazoj estas sufiche nenaturaj. Ghenerale ili estas malkonsilindaj, precipe kiam ili enhavas vortostumpojn sen finajhoj, kio normale ne estas ebla en Esperanto. Chu ekz. manghajh- estas unu vorto? Kiel akcenti ghin? Chu sur la antaulastan vokalon: mánghajh-, au sur la lastan vokalon kontrau la reguloj pri akcento: manghájh-? Oni prefere uzu aliajn rimedojn mallongigi, ekz. jene:

• Ili iris en la domon kaj el ghi tre rapide.

• Tio estas kombinita manghajha kaj gazeta vendejo.

• Li faris multajn erarojn skribajn, legajn kaj pensajn.

• Tio estas vendejo de manghajhoj, sed ankau de gazetoj.