Stilfolioj de paghautoroj kaj de paghuzantoj

Normale stilfolion verkas tiu, kiu kreas TTT-paghon, la autoro. Per sia stilfolio li decidas, au pli ghuste proponas, kiel la pagho estu prezentata en TTT-legiloj. Sed leganto povas mem fari stilfolion kun propraj prezentoreguloj, kiuj povas anstataui la regulojn de autoraj stilfolioj, au miksighi kun tiuj reguloj. Tiu ideo estas unu el la bazaj ideoj de stilfolioj, kaj ghuste tial la plej ofte uzata speco de stilfolioj nomighas tiel, kiel ghi nomighas: “Cascading Style-Sheets” = “Kaskadaj Stilfolioj”, CSS. La vorto “kaskadaj” tie indikas, ke stilreguloj venas de pluraj fontoj, kiuj kunmiksighas kvazau akvo de kaskado.

Gheneralajn klarigojn pri stilfolioj vi povas trovi en mia kurso Kiel fari TTT-paghojn - Kurso pri XHTML kaj CSS.

Aktivigi propran stilfolion

Kiel aktivigi propran stilfolion, dependas la la TTT-legilo, kiun oni uzas. Se oni uzas la legilon Fajrovulpo, oni povas tiajn regulojn skribi en dosiero, kiu nomighas “userContent.css” (kiu trovighu ene de la dosierujo “chrome” en la dosierujo, kie loghas la personaj agordoj de Fajrovulpo). En la Microsoft-a Interreta Esplorilo kaj en la legilo Opero oni povas mem decidi, kie la propra stilfolio trovighu, kaj kiel ghi nomighu. En iu el la multaj submenuoj de tiuj programoj oni povas tion indiki (serchu!). Bedaurinde ne chiuj TTT-legiloj donas eblon uzi propran stilfolion.

Kiel uzi TTT-signaturon?

TTT-signaturo estas unika signaturo, kiu trovighas en la “body”-elememento de TTT-pagho. En miaj paghoj estas la TTT-signaturo www-bertilow-com. Tio signifas, ke en la “body”-elemento de la paghokodo estas skribite id="www-bertilow-com".

Nur miaj paghoj enhavas ghuste tiun signaturon (au almenau la intenco estas, ke nur miaj paghoj ghin enhavu), kaj tial pagholegantoj povas skribi stilregulojn, kiuj uzighas nur en miaj paghoj. Ekzemple:

#www-bertilow-com * {
  color: #000 !important;
  background-color: #fff !important;
}

Tiu stilregulo, se oni metas ghin en propran stilfolion (kaj ghin bonorde aktivigas), kauzas, ke miaj paghoj prezentighas kun nigra tekstokoloro sur blanka fono. La regulo superas la stilregulojn en miaj stilfolioj, forigante tiujn kolorojn, kiujn mi tie indikis. Do, se vi ne shatas miajn kolorojn, vi povas elekti proprajn kolorojn - aparte por miaj paghoj.

Tiu ekzemplo estas tre simpla. Oni povas elpensi multon plian. Kompreneble por vere povi utiligi la eblojn de propraj stilfolioj, oni devas iom lerni pri CSS, kaj vershajne ankau pri (X)HTML. Tion vi povas fari en “Kiel fari TTT-paghojn - Kurso pri XHTML kaj CSS”.

(Povas esti, ke mia ekzempla stilregulo ne funkcias en chiuj TTT-legiloj, char mi uzis la gheneralan jhokeran elektilon *, kiun ne komprenas chiuj legiloj. Iuj TTT-legiloj havas nur limigitan subtenon de CSS. Eble vi devas uzi pli simplajn regulojn en via legilo.)

Deveno

La ideo aldoni TTT-signaturojn al TTT-paghoj elpensis Eric Meyer. Mi estas unu el la unuaj, kiuj ekuzis la ideon praktike. Espereble aliaj sekvos. Eric Meyer proponis, ke TTT-signaturo estu la nomo de la TTT-servilo mem, sed kun dividostrekoj anstatau punktoj (char punktoj havas specialan signifon en CSS). Do “www.bertilow.com” farighas “www-bertilow-com”. Oni povas kompreneble uzi chian ajn vicon de signoj kiel TTT-signaturon, sed prefere oni zorgu, ke ghi estu unika.