26. Verboj

Vorto kun iu el la finajhoj I, AS, IS, OS, US au U estas verbo. Verbo montras faradon de ago au estadon en stato.

• Verboj kun AS, IS, OS, US au U rolas kiel chefverboj de frazo.

• Verboj kun I-finajho (I-verboj) ne rolas kiel chefverbo, sed havas diversajn aliajn rolojn en frazoj. I-verbo estas tradicie rigardata kiel la baza formo de verbo. Tial verboj aperas en I-formo en vortaroj.

La diversaj verbfinajhoj prezentas agojn en kvar malsamaj manieroj — en kvar modoj. En la reala modo, oni faras distingon inter tri tempoj (AS, IS, OS). La aliaj modoj ne montras tempon:

• Neutrala modo: I-finajho
• Reala modo: AS-finajho, IS-finajho au OS-finajho
• Vola modo: U-finajho
• Imaga modo: US-finajho

Legu ankau pri vortfarado per verbaj finajhoj, pri verboj kaj frazroloj, kaj pri kelkaj gravaj verboj.