12.1.3. Perverba priskribo

Perverba priskribo estas frazparto, kiu priskribas la subjekton au la objekton pere de la chefverbo. Perverba priskribo normale estas frazparto sen rolmontrilo:

• Shi estis terure malbela.[FA1.1] Terure malbela estas priskribo de shi. La priskribo estas perata de la verbo estis.

• La juna vidvino farighis denove fianchino.[FE.33] Fianchino estas priskribo de la juna vidvino pere de la verbo farighis.

• La ghojo kaj surprizo faris lin muta![FA3.90] Muta priskribas lin pere de la verbo faris.

• Chemizojn, kolumojn, manumojn kaj ceterajn similajn objektojn ni nomas tolajho.[FE.35] Tolajho estas perverba priskribo de la objektoj (chemizojn, kolumojn...). La priskribon peras la verbo nomas.

Legu detale pri perverba priskribo.