12.3.6.10. Pri

Pri montras temon, tion, kion ago traktas au koncernas, k.s.:

• Mi parolas pri leono.[FE.7] La temo de la parolado estas leono.

• Kiel ofte mi pensis pri vi kaj pri la malnova tempo![FA3.91] La pensoj havis vin kaj la malnovan tempon kiel temojn.

• Mi ne kuraghis demandi vin pri tio, char mi vidis, ke vi penas eviti miajn demandojn.[M.156]

• Mia Dio! mi audis pri la malfelicho, kiu vin trafis.[M.95]

• Mi instruas mian infanon pri Esperanto.[LR.98] (= Mi instruas Esperanton al mia infano.[LR.98]) La temo de la instruado estas Esperanto.

• Mi estas preta [...] vendi al vi tiun chashundon, pri kiu vi marchandis. — Ne, ne pri hundoj mi nun pensas. — Nu, se vi ne volas, ni interkonsentos pri alia hundo.[Rz.90]

• Ili estis forte lacaj, pri kio certe neniu miros.[FA2.107]

• Chu vi ploras pri mi?[FA1.125]

• Pri kio estas la afero?[PE.2087] = Pri kio temas? = Kion koncernas la afero? Al kio rilatas la afero? Kio estas la temo de la afero?

• Ghenerale pri la aferoj, kiuj koncernas la magazenon, okupas sin mia edzo.[M.84] La edzo okupas sin koncerne tiajn aferojn.

• Mi zorgas pri shi tiel, kiel mi zorgas pri mi mem; sed shi mem tute ne zorgas pri si kaj tute sin ne gardas.[FE.18]

• Mi scias la pentradon tiom, ke mi povus doni instruon pri ghiaj plej elementaj reguloj.[M.33]

• La scienculoj verkis librojn pri la urbo, pri la palaco kaj pri la ghardeno, sed la najtingalon ili ne forgesis, al ghi estis dedichita la chefa chapitro.[FA2.24]

• Shi nun opiniis, ke la homoj estas kulpaj pri shia senlima mizero.[M.201]

Kiam pri estas uzata prefiksece en verboj, ghi ofte havas tute specialan efikon.