17.3. Jen... jen

Ordinara jen altiras la atenton al io. Duobla au plurobla jen ne havas tian signifon, sed enkondukas alternativojn, kiuj alternas, au eblojn, kiuj validas alterne. Jen... jen = iufoje... alifoje.

Alterna jen povas aperi kaj antau tutaj frazoj, kaj antau unuopaj frazpartoj:

• Jen mi ardas de varmego, jen mi tremas de frosto.FA1.150 La du statoj alternas. Iufoje mi estas varma, alifoje mi estas malvarma.

• Shia vizagho aperigis jen mortan palecon, jen koloron de sango.M.159 La vizagho shanghighadis.

• Ghi [= sonorilo en fabelo] rakontas senchese, tre ofte la samajn aferojn, jen mallonge jen longe, kiel diktas al ghi la kaprico.FA4.68 Iufoje la sonorilo rakontas mallonge, alifoje longe.

• Ghi [= la maro] estis ja jen rugha, jen verda, jen blua.FA1.230 La koloro shanghighis, au estis malsama en diversaj lokoj

• Mario videble havis deziron jen koleri, jen ridi, jen premi la manon al tiu ventanimulo.M.56

• Li [...] okupadis sin jen per tio, jen per alio.FA3.139