Priskribo per E-vortoj au vortetoj «

Por priskribi E-vorton oni uzas unuavice alian E-vorton au E-vortecan vorteton. La priskribo staras preskau chiam antau la priskribata E-vorto:

• vere rapide
• tre rapide
• ekstreme tede
• pli rapide
• tiel tede
• iom tede

O-vortaj frazpartoj «

Oni povas uzi O-vortan frazparton por priskribi E-vorton. La priskribanta frazparto havas chiam rolvorteton au N-finajhon. Tia priskribo staras normale post la E-vorto:

• rilate al tio
• rilate tion
• pere de li
• kauze de la akcidento
• fare de ili

Se E-vorto esprimas objektan agon, N-finajha priskribo montras la objekton de tiu ago:

• subtenante la kruchon[FE.15]
• eljhetante unu serpenton kaj unu ranon[FE.21]
• trovinte pomon[FE.22]

Se O-vorta priskribo de E-vorto montras mezuron, ghi staras normale antau la E-vorto:

• je cent decibeloj laute
• cent decibelojn laute

Komparaj esprimoj «

Oni povas priskribi E-vorton per kompara esprimo kun kiel au ol. Tia priskribo staras chiam post la E-vorto:

• longe kiel hierau
• tede kiel en la lernejo
• same kiel mi
• pli longe ol hierau
• pli tede ol mia instruisto

Subfrazo au I-verbo «

Por priskribi E-vortan participon oni ankau povas uzi subfrazon kaj I-verbon. Tia priskribo staras chiam post la E-vorto:

• Vidante, ke shi estas tiel bela, li demandis shin, kion shi faras tie chi tute sola.[FE.21]
• Alechjo staris momenton apud la pordo, kvazau shancelighante, chu li devas resti au iri post la kuzino.[M.49]
• Forgesante diri adiau al la du virinoj, li elkuris en la antauchambron.[M.60]