XHTML - Etendebla Hiperteksta Marklingvo

4. XHTML-elementoj

Jen tabela prezento de chiuj elementoj de XHTML ordigitaj lau temgrupoj. Rimarku, ke multaj elementoj ghuste funkcias nur se oni kompletigas ilin per atributoj kun necesaj informoj (ekz. <a>-elemento ne havas sencon sen href-atributo au id-atributo). La sekva pagho enhavas klarigojn pri la atributoj de strikta XHTML. Che chiu elemento de strikta XHTML aperas en la chi-suba tabelo ligo al la koncernaj klarigoj pri atributoj (se entute la elemento povas havi atributoj). Ne aperas klarigoj pri atributoj de elementoj, kiuj mankas en strikta XHTML.

Elementoj Signifoj DTD Blokeco Atributoj Noto
Gheneralaj elementoj
<html> ... </html> (X)HTML-dokumento S T K B! - ?  
kapo de la dokumento S T K B! - ?  
<title> ... </title> titolo de la dokumento S T K B! - -  
<body> ... </body> korpo de la dokumento S T K B! - ?  
<meta /> meta-informo S T K B - - Noto
<style> ... </style> stilindikoj S T K - ? Noto
Tekstaj elementoj
<h1> ... </h1> titolo: 1-a nivelo S T K B! bloka ?  
<h2> ... </h2> titolo: 2-a nivelo S T K B! bloka ?  
<h3> ... </h3> titolo: 3-a nivelo S T K B! bloka ?  
<h4> ... </h4> titolo: 4-a nivelo S T K B! bloka ?  
<h5> ... </h5> titolo: 5-a nivelo S T K B! bloka ?  
<h6> ... </h6> titolo: 6-a nivelo S T K B! bloka ?  
<p> ... </p> alineo S T K B! bloka ?  
<br /> linirompo S T K B! - ?  
<div> ... </div> bloka sekcio S T K B! bloka ?  
<span> ... </span> enlinia sekcio S T K B! nebloka ?  
<em> ... </em> emfazita teksto S T K B! nebloka ?  
<strong> ... </strong> grava teksto S T K B! nebloka ?  
<abbr> ... </abbr> mallongigo S T K B! nebloka ?  
<acronym> ... </acronym> akronimo S T K B! nebloka ?  
<address> ... </address> adreso S T K B! bloka ?  
<blockquote> ... </blockquote> longa bloka citajho S T K B! bloka ?  
<q> ... </q> mallonga citajho S T K B! nebloka ?  
<cite> ... </cite> referenco al verko/fonto S T K B! nebloka ?  
<pre> ... </pre> fiksformata teksto S T K B! bloka ?  
<code> ... </code> komputila kodo S T K B! nebloka ?  
<dfn> ... </dfn> difino S T K B! nebloka ?  
<kbd> ... </kbd> teksto enmetota de uzanto S T K B! nebloka ?  
<samp> ... </samp> specimeno de programeligo S T K B! nebloka ?  
<var> ... </var> variablo/programargumento S T K B! nebloka ?  
<del> ... </del> forigita parto S T K bloka/nebloka ? Noto
<ins> ... </ins> enmetita parto S T K bloka/nebloka ? Noto
Listaj elementoj
<ul> ... </ul> sennumera listo S T K B! bloka ?  
<ol> ... </ol> numera listo S T K B! bloka ?  
<li> ... </li> listero S T K B! bloka ?  
<dl> ... </dl> listo de difinoj S T K B! bloka ?  
<dt> ... </dt> difinata termino (en difinolisto) S T K B! bloka ?  
<dd> ... </dd> difino (en difinolisto) S T K B! bloka ?  
<dir> ... </dir> plurkolumna kataloglisto T K bloka Noto
unukolumna menulisto T K bloka Noto
Tabelaj elementoj
<table> ... </table> tabelo S T K B bloka ?  
<caption> ... </caption> tabeltitolo S T K B - ?  
<tr> ... </tr> tabelvico S T K B - ?  
<th> ... </th> titola tabelchelo S T K B - ?  
<td> ... </td> datuma tabelchelo S T K B - ?  
<tbody> ... </tbody> tabelkorpo S T K - ?  
<thead> ... </thead> tabelkapo (fiksita) S T K - ?  
<tfoot> ... </tfoot> tabelpiedo (fiksita) S T K - ?  
<colgroup> ... </colgroup> grupo de tabelkolumnoj S T K - ?  
<col /> tenilo de kolumnaj atributoj S T K - ?  
Prezentaj elementoj
<big> ... </big> granda teksto S T K nebloka ?  
<small> ... </small> malgranda teksto S T K nebloka ?  
<b> ... </b> grasa teksto S T K nebloka ?  
<i> ... </i> kursiva teksto S T K nebloka ?  
<tt> ... </tt> teletajpila (egallargha) teksto S T K nebloka ?  
<sup> ... </sup> supra indico S T K nebloka ?  
<sub> ... </sub> suba indico S T K nebloka ?  
<bdo> ... </bdo> escepto de tekstodirekto S T K nebloka ? Noto
<hr /> horizontala streko S T K bloka ?  
<center> ... </center> centrigita sekcio T K bloka Noto
<u> ... </u> substrekita teksto T K nebloka Noto
<s> ... </s> trastrekita teksto T K nebloka Noto
<strike> ... </strike> trastrekita teksto T K nebloka Noto
<font> ... </font> teksto kun difinita tiparo T K nebloka Noto
<basefont /> implicita tiparo T K - Noto
Dokumentorilataj elementoj
<a> ... </a> ankro de ligilo S T K B! nebloka ?  
referenco al eksterajho S T K B - ? Noto
<base /> implicita baza adreso S T K B - ?  
Objektaj elementoj
<object> ... </object> endokumentigita objekto S T K nebloka ?  
<param /> parametro de objekto S T K - ?  
<applet> ... </applet> Javoprogramo T K nebloka Noto
Bildaj elementoj
<img /> bildo S T K B nebloka ?  
<map> ... </map> bildomapo S T K - ?  
<area /> areo ene de bildomapo S T K - ?  
Kadraj elementoj
<frameset> ... </frameset> kadraro K -  
<frame /> kadro K -  
<iframe> ... </iframe> interna kadro T K nebloka  
<noframes> ... </noframes> senkadra alternativo K bloka  
Formularaj elementoj
<form> ... </form> formularo S T K B bloka ?  
<input /> enmeto/regilo S T K B nebloka ?  
<label> ... </label> etikedo S T K B nebloka ?  
<select> ... </select> elektolisto S T K B nebloka ?  
<option> ... </option> elektolistero S T K B nebloka ?  
<textarea> ... </textarea> tekstareo S T K B nebloka ?  
<button> ... </button> butono S T K nebloka ?  
<fieldset> ... </fieldset> grupo de formularajhoj S T K - ?  
<optgroup> ... </optgroup> grupo de elektolisteroj S T K - ?  
<legend> ... </legend> titolo de formulargrupo S T K - ?  
<isindex /> unulinia teksteniga regilo T K bloka Noto
Programetaj elementoj
<script> ... </script> programeto S T K - ?  
<noscript> ... </noscript> senprogrameta alternativo S T K bloka -  

Notoj

  • Oni distingas inter blokaj kaj neblokaj elementoj. Klarigon pri la distingo, vi povas trovi en la kurso Kiel fari TTT-paghojn. Por iuj elementoj tiu distingo estas tamen sensenca au maltrafa. Ili havas la indikon “-” en la tabelo. La elementoj ins kaj del estas specialaj: Ili estas blokaj au neblokaj lau la kunteksto.
  • <meta />-elementoj trovighas ene de <head>, kaj povas enhavi tre diversspecajn krominformojn pri la dokumento. Ekz. oni povas per <meta /> indiki la signokodon de la dokumento, sed la uzoj estas tre diversaj.
  • <style>-elementoj trovighas ene de <head>, kaj enhavas stilfoliajn regulojn pri prezentado de la dokumento. Oni povas ankau referenci al ekstera stilfolio (en aparta dosiero), sed tion oni faras per <link />-elemento.
  • <del> kaj <ins> estas malofte uzataj. Ili esprimas, ke la koncerna dokumentoparto estas respektive forigita (<del>) au enmetita (<ins>), kompare kun alia versio de la dokumento. La prezentomanieroj povas multe varii, kaj ne chiuj legiloj subtenas tiujn chi elementojn. Kiam del-elemento au ins-elemento trovighas ene de elemento (ekz p), kiu nur povas enhavi neblokajn elementojn, tiam ghi mem estas nebloka (kaj do ne povas enhavi aliajn blokajn elementojn), sed kiam del-elemento au ins-elemento enhavas aliajn blokajn elementojn, tiam ghi estas mem bloka.
  • <center> kaj <u> signifas respektive centrigitan kaj substrekitan tekston. Anstataue prefere uzu stilfoliajn indikojn pri prezenta stilo. En strikta XHTML kaj XHTML Baza nek <center> nek <u> ekzistas.
  • <bdo> esceptas tekstoparton de la normale uzendaj tekstodirektaj reguloj por diversaj skribosistemoj. Por ghuste uzi <bdo> necesas zorge informighi pri la kompleksega temo de diversdirekta teksto en mikslingvaj dokumentoj. Oni krome atentu, ke nur tre modernaj legiloj kapablas ghuste prezenti tiajn dokumentojn.
  • <s> kaj <strike> havas ambau la saman intencitan signifon, trastrekita teksto. <s> estas malpli bone subtenata de legiloj. Anstatau tiuj du elementoj oni chiuokaze prefere uzu stilfoliajn indikojn pri prezenta stilo. En strikta XHTML kaj XHTML Baza nek <s> nek <strike> ekzistas.
  • <font> kaj <basefont /> indikas uzadon de certaj tiparoj kaj tipargrandoj. Anstataue prefere uzu stilfoliojn por tiu celo. En strikta XHTML kaj XHTML Baza nek <font> nek <basefont /> ekzistas.
  • <applet> enmetas Javan programon en la dokumenton. La oficiala intenco estas, ke oni anstataue uzu <object>, per kiu eblas endokumentigi ne nur Javajn programojn, sed chiaspecajn specialajn objektojn. Tamen <object> ne estas tre bone subtenata, kaj tial <applet> ankorau estas la normala maniero endokumentigi Javajn programojn. Montrighis, ke <applet> ne malaperos el XHTML 1.1 (la sekvonta versio de XHTML), sed restos kiel aparta modulo apud <object>. Sed en strikta XHTML kaj XHTML Baza <applet> ne ekzistas.
  • <dir> kaj <menu> estas praktike eluzighintaj. Ili estis origine kreitaj por certaj specoj de listoj. En la praktiko ambau prezentighas ekzakte same kiel <ul>, kaj estas forte rekomenadate uzi anstataue chiam nur <ul>. En strikta XHTML kaj XHTML Baza nek <dir> nek <menu> ekzistas.
  • <isindex /> kreas unulinian tekstenmetan regilon. Anstataue uzu <input>. En strikta XHTML kaj XHTML Baza <isindex /> ne ekzistas.